होळीचा रंग... कृषी पर्यटनासंग | Author: Amit Naseri | Joshiwadi Agri Tourism near Nagpur | Vidarbha Agri Tourism

होळीच्या निमित्ताने मित्रांचा प्लॅन | Plan for Agri Tourism near Nagpur during Holi

"अरे अमित, उद्या आपण कॉलेजचे मित्र जमून होळी साजरी करण्याचा प्लान होतोय!!". विलास फोन वर ही कल्पना मांडत होता.

खरंतर तो खूप वर्षानंतर होळीला नागपुरात होता. त्यामुळे त्याच्या आवाजातला उत्साह मी ओळखला.

"फारच छान !! काय प्लान बनतोय मग?” माझा त्याला प्रश्न...

"काही खास नाही .. आपण एकतर श्रीपादच्या शेतावर जाऊ नाहीतर ज्ञानेश म्हणतोय हलदीराममध्ये जेवूया आणि सोबत सर्वांशी भेट सुद्धा होईल.."

"अरे होळीचा दिवस शेतावर साजरा करण्यापेक्षा हॉटेल/ रेस्टोरंट कसं काय सुचतंय त्याला?” मी थोडंसं चिडूनच म्हंटलं.

माझा सुर ऐकून विलास थोडं सावध होत म्हणाला की, थांब मी त्यालाच विचारतो.. काही वेळात ज्ञानेशचा मला फोन, 'अरे अमित आपण श्रीपादकडेच जमू आणि त्याच्या शेतावर जाऊ'...जेवण म्हणून बिर्याणीचा बेत होता आणि ते इथूनच न्यायचं आणि शेतावर जाऊन जेवायचं.. तर झाला प्रोग्राम पक्का!!

होळीनिमित्त शेतावर जाण्याचा निर्णय | Going to a farm near Nagpur during Holi

आमचा अंदाज होता कि १० कुटुंब तरी जमतील पण शेवटी 7 कुटुंब जमले.. चव्हाण, पाचखंडे, हळवे, उपाध्याय, जोशी, गायकवाड आणि आम्ही नासेरी असे कपल्स होळीनिमित्त शेतावर जाण्याच ठरलं. निघताना श्रीपादच्या घरी धनश्रीने चविष्ट थंडाईपासून होळीची सुरुवात केली. खूप दिवसानंतर होळीचा रंग सर्वांवर उठून दिसत होता. जेवणासाठी बिर्याणी पाचखंडे आणि चव्हाण कुटुंबीय घेऊन आले होते. सोबत मिसेस चव्हाण यांनी मसाले भात सुद्धा आणला असल्याने व्हेजवाल्यांच जमलं. आम्ही सुद्धा पाणीपुरीच्या तयारी सकट आलो होतो.

कृषि पर्यटनाचा अनुभव : शेतावर पोहोचल्यावर | Agri Tourism Experience near Nagpur

तीन गाड्यांमधून सर्व निघालो. शेतावर पोहोचल्यावर सर्वात आधी पाणी पुरीवर ताव मारला. हा चटपटीत आनंद घेताना कॉलेजमधल्या आठवणी आणि त्या वेळच्या गमतीजमती सुरू होत्याच. श्रीपादच्या फार्म हाऊस मध्ये आजूबाजूला खूप झाडं आहेत. त्यामुळे आपण जंगलाच्या मध्ये आहोत असाच फील येतो.

कृषि पर्यटनाचा अनुभव : शेतावर पोहोचल्यावर | Agri Tourism Experience near Nagpur

एक लक्षात आलं . जवळपास सर्वांचीच मुलं-मुली एकतर अभ्यासासाठी बाहेर आहेत किंवा जॉबवर आहेत. चव्हाण कुटुंबीयांची मुलगी लग्न होऊन सासरी होती. विलास-स्मिता यांच्या मूलाचं लग्न झालं होतं त्यामुळे ते अगदी ताजे ताजे सासू-सासरे झाले होते. म्हणजे आम्ही सर्वच आयुष्याच्या अश्या वळणावर होतो किंवा आहोत जिथे प्रत्येकाला आता थोडी सवड मिळाली आहे. तर चला थोडी मजा करूया.

कृषि पर्यटनाचा अनुभव : शेतावर पोहोचल्यावर | Agri Tourism Experience near Nagpur

एवढ्यात एक ट्रेंड दिसून येतो अलुमनी मीटिंग किंवा गेट-टुगेदरचा!! वर्षातून एकदा कॉलेज मधले जुने मित्र-मैत्रिणी भेटतात!! तर होळीच्या निमित्ताने हे सर्व जुळून आलं.

पाणी पुरी खाऊन शिवार फेरवर सर्वच निघालो. शेतात हिरवी मिरची, कारली, टमाटे आणि थाई लेमन होतच पण सोबत पत्ता कोबी आणि फूल गोभी सुद्धा असल्याने या भाज्याना स्वतःच्या हाताने तोडायचा/ वेचायचा आनंद घेतला. सोबत होता हिरव्यागार कोथिंबिरीच्या सुगंध. शेतावर फिरताना श्रीपाद नेहेमीप्रमाणे नवीन माहिती देतच होता.

कृषि पर्यटनाचा अनुभव : शेतावर पोहोचल्यावर | Agri Tourism Experience near Nagpur

भाजी-फळे तोडताना फोटो सेशन सुद्धा झाले. शेतावरची मजाच वेगळी!! इथे आल्यावर न बोलणारी व्यक्ति सुद्धा बोलू लागते .. शिवार फेरी करताना बऱ्याच पक्ष्यांचे आवाज कानी पडत होते. शेतावर बकऱ्या सुद्धा होत्या. श्रीपादचा मत्स्य पालनात उत्साह असल्याने या वेळेस त्यांनी 'मरळ' या मास्याना तलावात वाढवत असल्याचे सांगितले.

जवळपास दीड तासाचा फेरफटका मारल्यावर आता भूक लागली होती. परतल्यावर सर्वच जण बिर्याणीवर ताव मारायला तयारच होते. खूप दिवसानंतर जेवताना मजा आली. जेवताना विलास म्हणालाच की, अमित कसा रागावला होता हलदीराममध्ये होळी साजरी करण्याबद्दल.

जेवण आणि मिठाई खाण्यापेक्षा मला जे जास्त लक्षात राहिलं ते सर्वांचे एकत्र बसून गप्पा मारणं आणि सोबतच गमती जमती सुद्धा सुरूच होत्या. झाडांवर बसलेली कोकीळ सुद्धा मधून-मधून कंपनी देत होती. खूप झाडं असल्याने पक्ष्यांची रेलचेल होतीच. दुपारचा चहा घेतांना असं ठरलं की आता दर होळीला सर्वांनी असच भेटायचं. ज्याला सर्वांकडून संमती दिली गेली.

कृषि पर्यटनाचा अनुभव : शेतावर पोहोचल्यावर | Agri Tourism Experience near Nagpur

तर यावेळेची जोशिवाडीतली होळी आणि कृषि पर्यटन असं जमून आल्यामुळे आम्हा सर्वांचा आनंद गगनात मावेनासा झाला होता!!

जोशीवाडीला पोहोचण्यासाठी | How to reach Joshiwadi from Nagpur

• जोशीवाडी नागपूरपासून अंदाजे 15 किमी अंतरावर आहे.
• सावनेर रोडवर कोलार नदीच्या पलीकडे 3००-४०० मीटर गेल्यावर यू टर्न घ्यायचा.. काश्मीर डेकोरेशनच्या बाजूला कच्चा रस्ता धरायचा आणि जवळपास दीड किमी वर जोशीवाडीत पोहोचता येतं.

कमेंट्स मध्ये आपले मत / अनुभव नक्की कळवा! 😊😊

अमित नासेरी

लेखक

पर्यटन क्षेत्रात सल्लागार म्हणून २२ वर्षांपासून कार्यरत

संपर्क

🕉️ विदर्भ अष्टविनायक | Vidarbha Ashtavinayak Yatra Guide

विदर्भातील किल्ले | Forts near Nagpur | Forts of Vidarbha