टोकियोतील ‘गिंझा’ आणि भूकंपाचा धक्का | Travel Experience in Japan in Marathi Part 2

आठवणीतील जपान भाग दोन | Travel Experience in Japan in Marathi Part 2

भारत-आशिया मैत्री कार्यक्रमाअंतर्गत एक महिन्याच्या जपान दौऱ्यातील आमचा पहिला पडाव टोकियोत होता. जवळपास एक आठवडा आमचं येथं वास्तव्य होतं. दिवभराच्या नियोजित कार्यक्रमानंतर सायंकाळचा वेळ आम्हाला मोकळा मिळत असे. त्यामुळं या वेळात हॉटलच्या जवळपासच जेवढं फिरता येईल तेवढं फिरायचं असा नित्यनियमच झाला होता. या काळात भूकंपाच्या धक्क्यासह इतरही काही धक्के बसले.

जपानमध्ये भूकंप खूप होतात; हे मला माहिती होतं. यासंदर्भातील बातम्या नेहमीच वाचल्या होत्या. मेट्रोपॉलिटनमध्ये रहायला आल्यानंतरच तिसऱ्याच दिवशी या भूकंपाने आमचे स्वागत केले. पहाटे केव्हातरी पूर्ण खोली डोलायला लागल्यानं जाग आली. अगदी काही सेकंद ही अवस्था होती. नंतर सर्व शांत झालं. भूकंपाचा धक्का होता हे कळायच्या आतच परिस्थिती पूर्ववत झाली होती.

सकाळी उठल्यानंतर इतर सहकाऱ्यांना विचारलं असता त्यांनीही हा कंप अनुभवला होता. आणखी खात्री करुन घेण्यासाठी हॉटेलच्या कर्मचाऱ्यांकडे विचारपूस केली. त्यांनीही याची पुष्टी केली आणि येथे तर असे छोटेछोटे भूकंप दररोज होत असतात असेही त्यांनी सांगितले. त्यामुळं येथील बहुतांश इमारती या भूकंपरोधी आहेत. सुदैवानं मेट्रोपॉलिटनची इमारतही भूकंपरोधी होती.

या कालावधीत दोनतीन वेळा टोकियोतील बाजारपेठेत मनसोक्त फिरायला मिळालं. काय ती बाजारपेठ तरी! दुकाने असंख्य प्रकारच्या वस्तुंनी खचाखच भरलेली. युद्धात बेचिराख झालेला हा देश फिनिक्स पक्षाप्रमाणं राखेतून दुप्पट उत्साहानं उठला. विशेष म्हणजे या दुकानांमध्ये फक्त आणि फक्त जपानी वस्तुच होत्या.

भरपूर विंडो शॉपिंग केलं. हॉटेलप्रमाणे या बाजारांमध्येही स्त्रीराज्यच होतं. आकर्षक पोषाखातील तरुणी लडीवाळपणे ग्राहकाला आपल्या दुकानात नेण्याचा प्रयत्न करीत होत्या. त्यातही पाहुणा विदेशी असेल तर आदरतिथ्य विचारायलाच नको.

आपल्या येथे आजकाल मेडिकल इंजिनिअरिंगचे विद्यार्थी आपल्या मागण्यांसाठी आंदोलन करताना प्रतिकात्मक बुटपॉलिश करताना दिसतात. एरवी हे काम कोणी आवडीने स्वीकारणार नाही. परंतु जपानमध्ये मात्र जशा हॉटेलात वेटर महिलाच दिसतात तशाच बुटपॉलिश करणाऱ्याही स्त्रियाच दिसतील. बाजारात रस्त्यावर एका रांगेत बुटपॉलिश करणाऱ्या महिला बघून धक्काच बसला. येथे स्त्रीपुरुष जोडीनं तेच काम करतात. पण महिलांना पुरुषांपेक्षा कमी मजुरी दिली जाते. हॉटेलमध्येही वेटरच्या वरचं पद सहसा कोणत्या स्त्रीला दिलं जात नाही.

With Bangladeshi couple in Japan - Travel Experience in Japan

दक्षिण आशियातील देशांचे प्रतिनिधी आले असल्याचं कळल्यानंतर बांगलादेशचा एक तरुण आपल्या पत्नीसह खास आम्हाला भेटायला मेट्रोपॉलिटनमध्ये आला होता. त्याची बायको जपानी होती. आम्हाला बघून त्याला अगदी आपल्या देशवासीयांना भेटल्याचा आनंद झाला. तो येथीलच एका हॉटेलमध्ये व्यवस्थापक होता तर त्याची पत्नी वेटर. महिला वेटरबद्दल माझ्या मनात उत्सुकता होतीच. तिच्याशी याविषयी बोलताना येथेही महिलांना दुय्यम वागणूक मिळत असल्याचं कळलं. यावरुन जपानमध्येही पुरुषप्रधान संस्कृती आहे हे माझ्या लक्षात आलं. टोकियोत गाड्यांना वेग फार जास्त आहे. नवख्या व्यक्तीला येथे पायी चालायला भीतीच वाटते. जपानच्या या राजधानीवर पाश्चिमात्यांची मोठी छाप आहे. आपल्या येथे लोक जसे जीवाची मुंबई करायला जातात तसाच टोकियोत ‘गिंझा’ आहे. प्रचंड झगमगाट, गगनचुंबी डिपार्टमेंटल स्टोअर्स, सिनेमा, हॉटेल्स मौजमजेची सर्व साधनं येथे आहेत. मला नेमकं आठवत नाही पण तो गिंझाच असावा. रस्त्यांवर रोषणाई बघत फिरत असताना ठिकठिकाणी शरीर विक्रय करणाऱ्या मुली  ग्राहकांशी अंगलट करताना बघून अंगावर शहारे आले. जपानबद्दल मनात असलेल्या आदराच्या भावनेला ठेस बसल्याचं वाटलं. हेच का ते जपान! असा विचार मनात आला. १६ ते १८ वर्षांच्या या मुली भर चौकात प्रचंड गर्दीत येणाजाणाऱ्या प्रत्येक पुरुषाला गळ घालीत होत्या. अंगावर पारंपारिक कपडे होते. इतका उघडपणा? आश्चर्य वाटलं. आपल्या देशातही शरीरविक्रयाचा व्यवसाय चालतो. परंतु एवढा उघडपणा मी बघितला नव्हता. जपानची निशागारे मुलींनी ओसंडून वाहतात, अशी माहिती मिळाली. या मुली आवृत्त-अनावृत्त नृत्य करुन आपली उपजीविका करतात. ‘गेयशा’ नावाचा आणखी एक वेगळा प्रकार आहे. गेयशा म्हणजे वसंतसेनेसारखी गणिका. प्राचीन काळात आपल्या येथेही वेश्या, गणिका, देवदासी, मुरळी होतीच. वेश्या व देवदासी प्रथा अजूनही आहेच. क्योटो ही गेयशांची नालंदा. येथे गेयशा बनविण्याच्या शाळा अजूनही आहेत. पुरुषांचे मन रिझविण्याचे शिक्षण येथे दिले जाते. येथील अभ्यासक्रमात नृत्य, गायन, संभाषण, पाककला, तोंडावर पंखे घेऊन हास्य करणे आदींचा समावेश आहे. वयोवृद्ध स्त्रीपुरुष हे शिक्षण देतात आणि मुख्य म्हणजे हा व्यवसाय प्रतिष्ठेचा मानला जातो.

Tokyo Market - Travel Experience in Japan

जपानसारख्या उद्योगधंद्यात आघाडीवर असलेल्या देशात महिला सगळे सोडून या धंद्यात इतकी गर्दी का करत असाव्यात तेच कळेना. याठिकाणी एखाद्या उत्पादनाची जाहिरात करण्यासाठी जसे बोर्ड लागले असतात तसेच बोर्ड या शरीरविक्रय करणाऱ्या मुलींची माहिती देणारेही होते. त्यात तिचे मोठे छायाचित्र, शारीरिक बांध्याचे मोजमाप आणि संपर्काचा पत्ता दिलेला होता. टोकियोत सुरुवातीलाच हा प्रकार बघितल्यानंतर इतर शहरांमध्येही असेच असणार काय? असा प्रश्न मला पडला होता. परंतु टोकियो हे जपानमधील इतर शहरांपासून अगदी वेगळे आहे. मुंबई म्हणजे भारत नाही तसंच टोकियो म्हणजे जपान नाही हे पुढे माझ्या लक्षात आलं.

...जपानी लोकांच्याही दारात ‘भुतांची घरं’ | Travel Experience in Japan in Marathi Part 3

सविता ‘देव’ हरकरे
Consulting Editor
What’s Up मराठी
संपर्क

कंमेंट्स मध्ये तुमचे मत नक्की कळवा !

जपानसाठी ‘टेकऑफ’ आणि ‘ओचा’, ‘कोचा’ | Travel Experience in Japan in Marathi Part 1






Comments

Post a Comment

कमेंट करून संवादात सहभागी व्हा!

तुमचा प्रवास अनुभव प्रकाशित करू इच्छिता? 😊

तुमची कथा आम्हाला पाठवा आणि ती हजारो वाचकांपर्यंत पोहोचवा.

👉 अनुभव पाठवा

तुमच्यासाठी निवडक...

जपानसाठी ‘टेकऑफ’ आणि ‘ओचा’, ‘कोचा’ | Travel Experience in Japan in Marathi Part 1

Image
आठवणीतील जपान सिरीस ज पान-दक्षिण आशिया मैत्री कार्यक्रमासाठी जपानला जाणाऱ्या २३ सदस्यीय भारतीय प्रतिनिधी मंडळात माझी निवड झाली होती. यानिमित्ताने १९९५ साली महिनाभर या देशात राहण्याची संधी मिळाली. या दौऱ्यात आलेल्या अनुभवांची पुंजी तुमच्यासोबत शेअर करताना आनंद होतो आहे. - सविता ‘देव’ हरकरे, मुख्य संपादक, What’s Up मराठी आठवणीतील जपान भाग एक |  Travel Experience in Japan in Marathi Part 1 अखेर ज्या क्षणाची मी आतुरतेनं प्रतीक्षा करीत होते तो क्षण आला. एअर इंडियाच्या एआय ३०२ या विमानानं सायंकाळी नवी दिल्लीच्या आंतरराष्ट्रीय विमानतळावरुन जपानसाठी ‘टेक ऑफ’ घेतलं. माझा स्वप्नांच्या दुनियेतील प्रवास सुरु झाला होता. विमान जसजसं आकाशात उंच भरारी घेत होतं तसतंस माझं मनही जपानच्या दिशेनं धावू लागलं. या देशाबद्दल तशी मला फारच कमी माहिती होती. परंतु कुतुहल मात्र नेहमीच वाटत होतं. जपानची संस्कृती, तेथील लोक, त्यांची वागणूक कशी असेल याबद्दल प्रचंड उत्सुकता होती. बाहुल्यांसारख्या दिसणाऱ्या रंगबेरंगी कपडे घालणाऱ्या हसतमुख चेहऱ्याच्या स्रिया आणि कमरेतून वाकून नमस्कार करणारे जपानी पुरुष ...
...पुढे वाचा

नगरधनचा भुईकोट | Nagardhan Fort Travel Guide in Marathi | Forts near Nagpur Forts of Vidarbha

Image
विदर्भातील किल्ले  | Forts near Nagpur | Forts of Vidarbha वि दर्भात नागपूर जिल्ह्यातील श्रीक्षेत्र रामटेक गड जगप्रसिद्ध आहे. या गावाला २००० वर्षांचा इतिहास असून सुप्रसिद्ध वाकाटक राजवंशाचा त्यात समावेश आहे. याच गडाच्या दक्षिण-पश्चिमेस ७ किमी अंतरावर असलेला भव्य भुईकोट म्हणजे नगरधनचा किल्ला. वाकाटकांच्या काळात इ.स.च्या ४ थ्या शतकात ही जागा नंदीवर्धन या नावाने ओळखली जाई. नागपूरपासून ४३ किमी अंतरावर असलेला नगरधन किल्ला या प्रदेशाच्या भव्य भूतकाळाचा आणि चैतन्यशील सांस्कृतिक वारशाचा जिवंत पुरावा आहे. एकेकाळी वाकाटक राजवंशाची राजधानी राहिलेल्या या भक्कम किल्ल्याने या प्रदेशाच्या संरक्षण धोरणांना आकार देण्यात महत्त्वाची भूमिका बजावली. रामटेकला देशाच्या कानाकोपऱ्यातून लोक श्रीरामाच्या दर्शनासाठी येतात. पण तेथून अगदी जवळ असलेल्या या दुर्गराजाची मात्र अनेकांना माहिती नसते. नगरधन किल्ला केवळ भूतकाळाचा अवशेष नाही; हे या प्रदेशाच्या समृद्ध स्थापत्य वारशाचे आणि सांस्कृतिक विविधतेचे जिवंत उदाहरण आहे. 🧱 रचना व ऐतिहासिक काळ | Nagardhan Fort History in Marathi काळाच्या ओघात त्याच्या काही कडा झिजल्...
...पुढे वाचा

ही वेबसाइट कशी वापरायची? | What's Up Marathi Website Guide

What’s Up Marathi ही एक मराठी माध्यम आहे ज्यामध्ये तुम्हाला पर्यटन-संबंधित अनुभव यांबद्दल माहिती मिळेल. इथे लेखांची रचना स्पष्टपणे विभागांमध्ये करण्यात आली आहे, जेणे करून तुम्ही सहज वाचू आणि शोधू शकाल. 🧭 मुख्य विभाग (Main Sections) 📰  वार्ता  (Varta) हा विभाग मुख्यत्वे बातम्या, समाज-संधर्भ आणि अपडेट्स यावर आधारित आहे. इथे तुम्हाला नवनवीन घडामोडी, नागपूर-विदर्भमधील घटना, रोजगारविषयक बातम्या, अर्थकारण, संस्कृती आणि स्थानिक वृत्ते मिळतील. 🧳 अनुभव (Anubhav) या विभागात आहेत प्रवास कथा, अनुभव-आधारित लेख आणि ठिकाणांच्या वर्णनांमधून आलेली माहिती . उदा., पेंच व्याघ्र प्रकल्प, रामटेक, राजगड ट्रेक वगैरे — हे सर्व संबंधित लेख या विभागात सापडतील. 📌 मुख्य थीम/लेबल्स (Popular Labels/Themes) तुम्ही मुख्यपृष्ठावर किंवा साइडबारमध्ये खालील थीम किंवा लेबल्स पाहू शकता — हे तुमच्या आवडीचा विषय शोधायला मदत करतात: travelguide – प्रवास मार्गदर्शक vidarbha – विदर्भाशी संबंधित माहिती nagpur – नागपूरच्या ठिकाणं आणि कथा forts of vidarbha – विदर्भातील गडकिल्ले getaways ...
...पुढे वाचा

🌅🌿 अंबाझरी तलाव: नागपूरच्या गजबजातील शांत हिरवळ | Lakes near Nagpur | Lakes in Vidarbha

Image
ना गपूर शहराच्या मध्यभागी वसलेला अंबाझरी तलाव म्हणजे शहराच्या धावपळीतून थोडा वेळ थांबून श्वास घेण्यासाठीची जागा. 🌿 सकाळची शांत हवा, संध्याकाळचा रंगीबेरंगी सूर्यास्त आणि तलावाभोवती पसरलेली हिरवळ — अंबाझरी तलाव नागपूरकरांच्या दैनंदिन जीवनाचा अविभाज्य भाग आहे. प्रवासासाठी फार दूर न जाता, निसर्गाशी जोडायचं असेल, तर अंबाझरी हा सर्वोत्तम पर्याय आहे. 🌊 अंबाझरी तलावाची ओळख | Ambazari Lake Nagpur Info अंबाझरी तलाव हा नागपूरमधील सर्वात मोठा तलाव मानला जातो. ब्रिटिश काळात बांधण्यात आलेला हा तलाव आजही शहराच्या पाणीपुरवठ्यात महत्त्वाची भूमिका बजावतो. तलावाचं नाव आसपास असलेल्या आंब्यांच्या झाडांवरून (अंबा) पडलं असल्याचं मानलं जातं. 🥭 इतिहास, उपयुक्तता आणि निसर्ग — या तिन्हींचा संगम इथे पाहायला मिळतो. अंबाझरी तलाव परिसर सकाळी फिरायला येणाऱ्यांसाठी अत्यंत लोकप्रिय आहे. 🚶‍♀️ Walking track 🌸 गार्डन 🪑 बसण्यासाठी जागा ज्येष्ठ नागरिक, कुटुंबं, विद्यार्थी आणि फोटोग्राफर्स — सगळ्यांसाठी अंबाझरी एकसारखाच आपलासा वाटतो. 📸 🌅 सूर्यास्ताचा जादुई अनुभव | Sunset at Ambazari Lake Ambazari Lake Nagpu...
...पुढे वाचा

सीताबर्डी किल्ला | Sitabuldi Fort Nagpur | Forts near Nagpur | Forts of Vidarbha

Image
विदर्भातील किल्ले  | Forts near Nagpur | Forts of Vidarbha Sitabuldi Fort, Nagpur ना गपूर शहराच्या मध्यभागी विराजमान सीताबर्डी किल्ला म्हणजे या शहराची शान. सीताबर्डीची प्रसिद्ध लढाई अनेकांच्या ऐकिवात असेल. १८१७ साली २६ डिसेंबरला सायंकाळी या लढाईस सुरूवात झाली आणि ती दीड दिवस चालली. त्यात १४ ब्रिटीश अधिकारी ठार झाले. ही लढाई झाली तेव्हा आप्पासाहेब भोसले हे नागपूरचे राजे होते. आणि बहाद्दर मनगट उपाध्ये व त्यांच्या अरब सैन्याने त्यावेळी इंग्रजांना धूळ चारली. सक्करदरा, तुळशीबाग, शुक्रवारदरवाजा येथेही चकमकी झाल्या. हा किल्ला आणखी एका दुर्दैवी घटनेचा साक्षीदार आहे. १८५७ च्या स्वातंत्र्य लढ्यात क्रांतीकारक याच किल्ल्यावरील इंग्रज ठाण्यावर हल्ला करणार होते. परंतु त्यांचे हे कारस्थान उघडकीस आले. आठ क्रांतीकारकांना किल्ल्यातच फाशी देण्यात आली. एवढ्यावरच इंग्रज थांबले नाहीत तर नागपुरातील जनतेला दहशत बसावी म्हणून क्रांतीकारकांचे मृतदेह बरेच दिवस शुक्रवारी दरवाजावर टांगून ठेवण्यात आली होते. टिपू सुलतानाच्या नातवांना देखील येथे फाशी दिल्याचं सांगितलं जातं. १९११ साली इंग्लंडचे पाचवे जॉर्ज यांनी य...
...पुढे वाचा

जपानी कुटुंबासह ‘तानाबाना’ उत्सवाचा आनंद 🌸 | Travel Experience in Japan in Marathi Part 5

Image
आठवणीतील जपान भाग पाच | Travel Experience in Japan in Marathi Part 5 आठवणीतील जपान सिरीस जपानमधील आमच्या एका महिन्याच्या वास्तव्यात जपानी कुटुंबासोबत घालवलेले ते दोन दिवस म्हणजे एक आगळावेगळा आणि सुखद अनुभव होता. या दोन दिवसात जपानमधील कुटुंब पद्धती आणि कौटुंबिक जीवन अगदी जवळून अनुभवायला मिळालं. मैत्री कार्यक्रमाअंतर्गत या देशातील कौटुंबिक जीवनाचा अभ्यास व्हावा या उद्देशानं हा ‘होम स्टे’ ठेवण्यात आला होता. टोकियोला पोहोचल्यानंतरच आम्हाला याबाबत कल्पना देण्यात आली होती. तब्बल दोन दिवस जपानी कुटुंबासोबत त्यांच्या घरी रहायला मिळणार हे ऐकल्यानंतर आम्ही सर्वच जाम खूष होतो. हे लोक घरात कसे वागत असतील, आपल्या येथे होतात तशीच या कुटुंबातही नवराबायकोची भांडणं होत असतील काय? स्वयंपाकघरात नवरा बायकोला मदत करत असेल काय? हे सगळं जाणून घेण्याची उत्सुकता होतीच आणि प्रत्यक्ष कुटुंबात राहिल्याशिवाय हे सगळं माहिती होणं शक्यही नव्हतं. त्यामुळं ‘होम स्टे’ चे दोन दिवस केव्हा येणार याची मी आतुरतेनं प्रतीक्षा करीत होते.                         ...
...पुढे वाचा

चिटणवीस वाडा, नागपूर | Chitnavis Wada Nagpur Heritage

Image
1. नागपूरच्या इतिहासाचा जिवंत साक्षीदार | Chitnavis Wada Nagpur नागपूरच्या महाल परिसरात वसलेला चिटणवीस वाडा हा शहराच्या ऐतिहासिक, सामाजिक आणि सांस्कृतिक वारशाचे प्रतीक आहे. भोसले राजवटीच्या काळात महत्त्वाची भूमिका बजावणाऱ्या चिटणवीस कुटुंबाचे हे निवासस्थान आजही नागपूरच्या वैभवशाली भूतकाळाची आठवण करून देते. या वाड्यातून नागपूरच्या प्रशासकीय आणि सांस्कृतिक जीवनाची अनेक पर्वे घडली असून, आज हा वाडा कला, साहित्य आणि सांस्कृतिक कार्यक्रमांचे केंद्र बनला आहे. 🏛️✨ Chitnavis Wada Nagpur 2. भोसलेकालीन इतिहास आणि वास्तुकला | History and Architecture of Chitnavis Wada चिटणवीस वाडा ही पारंपरिक मराठी वाडा संस्कृतीचे उत्कृष्ट उदाहरण आहे. प्रशस्त अंगण, जाड दगडी भिंती, लाकडी खांब, नक्षीदार दरवाजे आणि गवाक्षे ही याची ठळक वैशिष्ट्ये आहेत. हा वाडा भोसले राजघराण्याचे विश्वासू प्रशासक असलेल्या चिटणवीस कुटुंबाचा निवास होता. काळाच्या ओघात वाड्याचे रूप बदलले असले तरी, त्याची मूळ वास्तुरचना आणि ऐतिहासिक महत्त्व आजही टिकून आहे. सध्या येथे कला प्रदर्शन, संगीत मैफिली, व्याख्याने आणि सांस्कृतिक उपक्रम आयोजि...
...पुढे वाचा

ब्रँड सहयोग व भागीदारी

What's Up मराठी हे वाचक-केंद्रित डिजिटल व्यासपीठ आहे. आमचे प्राधान्य नेहमी दर्जेदार आणि विश्वासार्ह सामग्रीला आहे. जर आपल्या ब्रँडला आमच्या वाचकांशी अर्थपूर्ण पद्धतीने जोडायचे असेल, तर आम्ही निवडक आणि मूल्याधारित सहकार्यांसाठी खुले आहोत.

सहकार्याबद्दल माहिती घ्या →