श्रीभृशुंड गणेश | Shri Bhrushund Ganesh Temple | Vidarbha Ashtavinayak Yatra Guide | Temples near Nagpur | Temples of Vidarbha
श्रीभृशुंड गणेश
श्रीभृशुंड गणेश मूर्तीचा इतिहास फारच प्राचीन आहे. भंडारा शहरापासून पूर्वेला तुमसर मार्गाला लागले की अवघ्या तीन किलोमीटरवरच मेंढा नावाचं गाव आहे. याच गावात इ.स. पूर्व ११ व्या शतकात भृशुंड ऋषींनी या गणेशाची स्थापना केली, अशी आख्यायिका आहे. आजचं मेंढा गाव म्हणजे पूर्वीचं नागांचं पद्मपूर राज्य. भृशुंडी ऋषी नाग वंशातीलच. त्यांनी स्थापन केलेली ही मूर्ती बघता क्षणीच थोडी चमत्कारीक वाटते. कारण या मूर्तीच्या मुखमंडळाच्या जागी मानवी नाकपुड्या,डोळे आणि किंचित दाढीमिशाही आढळतात. त्यामुळे ही गणेश मूर्ती दुर्मिळ ठरते. श्रींच्या वेगळ्या रुपामुळेच भाविकांमध्ये ही गणेश मूर्ती लोकप्रिय आहे.
अखंड रक्ताश्म शीळेवर कोरलेली ही मूर्ती गाभाऱ्यात तळापासून आठ फूट उंच व चार फूट रूंद आहे. पूर्ण सिंदूर चर्चित मूर्ती चतुर्भूज असून मूशकारूढ आहे. उजवा पाय खाली सोडलेला व डाव्या पायाची मांडी घातलेली मूर्ती आहे. चारही हातांमध्ये पाश, अंकूश, मोदक असून उजवा वरद हस्त आहे. शिरोभागी पंचमुखी शेषफणा आहे.
भृशुंड गणेशाचं मंदिर हेमाडपंथी आहे. मूर्तीची स्थापना ११३० मध्ये झाली असावी असा अंदाज आहे. तसे मेंढा परिसरात गिरीवंशीय गोसावी लोकांच्या समाधी समूहाचा एक भाग आहे. आजही या भागात हेमाडपंथी शैलीतील स्मारके बघायला मिळतात.
कित्येक वर्ष हे भृशुंड गणेशाचे मंदिर दुर्लक्षित होतं. परंतू भंडारा येथील ग्रामजोशी श्री विश्वासराव जोशी यांच्या पुढाकारानं १९८६ पासून तिथे पूजा सुरू केली गेली,असं सांगतात.
श्रीभृशुंड गणेश | Shri Bhrushund Ganesh Temple
आज मंदिराची भव्यता वाढली असून भव्य सभामंडप व सुंदर परिसर गणेश भक्तांना आध्यात्मिक सुख देण्यात हातभार लावत आहे. गणेश मूर्तीसमोर अतिशय पुरातन अशा नंदीची मूर्ती असून, त्याच्या बाजूला शिवलिंग स्थापित केले आहे. याच मंदिर परिसरात श्री. महावीर हनुमानाची मूर्ती सुध्दा आहे. या मूर्तीवर छत नाही. श्री भृशुंड ॠषींनी वैनगंगेच्या तीरावर वटवृक्षाखाली तपश्चर्या करून या क्षेत्राला पावन केले आहे. गणेश व मुदगल पुराणांतून भृशुंड गणेशाचे आख्यान दिलेले आहे.
कसे पोहोचाल | How to reach Shri Bhrushund Ganesh Temple near Nagpur
नागपूर ते भंडारा अंतर ६२.२ किमी आहे. बस किंवा गाडीने दीड तास लागतो. तिथून मेंढाची बस मिळते.
रेल्वेने भंडारा मार्ग स्थानकावर उतरता येते.
तुम्ही ही यात्रा केली आहे का? तुमचा अनुभव कमेंटमध्ये नक्की शेअर करा 🙏
📿 विदर्भातील अष्टविनायक मंदिरांची यादी | List of Vidarbha Ashtavinayak
तुमचं मत किंवा अनुभव कमेंटमध्ये जरूर शेअर करा! 🌍✍️
Comments
Post a Comment
तुमचं मत किंवा अनुभव कमेंटमध्ये जरूर शेअर करा! 🌍✍️